ပြက္ခဒိန်ကို မျက်နှာချိုမသွေးနိုင်တဲ့နေ့
အကောင်းနေ့လို့ခေါ်တဲ့ နာမည်ကို
ကျီးထိုး ခွေးစားခံလိုက်ရတဲ့နေ့မှာ
တနင်္ဂနွေဟာ လှောင်ကြုတ်ထဲ ထည့်ခံထားရတယ်. . .
ဘယ်ခရီးမဆို အခြောက်အသွေ့
အကြမ်းအတမ်းတော့ မရှိပဲ နေလိမ့်မလဲ. . .
လူနဲ့ဝင်ဆံ့မှုဆိုတာရှိလာတော့လည်း
တဒေါင်လောက်ထွက်နေတဲ့ ဖိနပ်စီးပြီး
ငါ့ကိုယ်ငါ ရှိူးထုတ်ချင်မိတယ်. . .
ငါဘာလဲသိဖို့ ငါကပဲပြန်မေးလိုက်တယ်
ငါ့ဆီက တစိတ်လာဖဲ့ယူရင်. . .
(တောင်းယူတာကလွဲလို့)
တပိုင်းလောက် အတင်းပြန်ထိုးပေးလိုက်ချင်သူပါကွယ်. . .
မိုးပျံပူပေါင်းလို ငါလည်း ငါနိုင်တဲ့ ဝန်တော့
သယ်ပေးချင်တယ်. . .
အခွံတော့ အခွံပေါ့ ပြတိုက်ပို့ရင်
ဈေးကောင်း၊ မကောင်းလဲ သိချင်သေးတယ်. . .
ပွင့်ချပ်ပါးပါးလွှာလွှာတွေဟာလဲ
သူတို့ လက်သည်းခပ်စိပ်စိပ်ကို
ဖွက်ထားတတ်တယ် . . .
နှင်းအိပ်မက်သံကိုကြားတဲ့အခါ
ငါချစ်ရတဲ့သူဟာ မုန်းတိုင်းတွေ ပွင့်တော့မလိုနဲ့
ရာသီကို ငြိမ်းမြစေတယ်. . .
မိုးလေဝသ သာမြေ့တော့မလိုနဲ့
ရင်ခွင်ကို လှိုင်းတွေနဲ့ပစ်ပေါက်တယ်. . .
နောက်ဆုံးမှာ. . .
အနီးစပ်ဆုံး ကျောဘက်က ဓါးနဲ့လက်ဆိုတာ
သိပါရက်နဲ့လည်း . . . လုံခြုံရှင်းလင်းစွာ
ခေါင်းငုံ့. . .
နှင်းဆီဗုံးကွဲတဲ့အခါလည်း ငါ့မှာ. . .
မိုးသာမျက်ရည်တွေနဲ့. . .
ငါ့စိတ် ငါပြန်စမ်းတဲ့အခါ
မထွားကြိုင်းတာကို တွေ့ရ. . .
ငါ့ကိုယ် ငါပြန်မြင်တဲ့အခါ
ရေမှော်ကလေးဖြစ်နေတာကိုတွေ့ရ. . .
ဒါပေမယ့် . . .
ဖြူစင်မြင့်မြတ်ခြင်းကိုလည်း
ငါတွေ့လိုက်ရတယ်. . .
ခွင့်ပြုပေးကြပါ. . .
တခါတလေ. . .
မှော်ရုံမှာ မြင်းခွာသံတွေစိုင်း
ငါ. . . ရိုင်းကြည့်ချင်တယ်. . .
No comments:
Post a Comment