တိမ်လူကလေးရဲ့ သက်တန့်စာ

အဲဒီလမ်းက . . .
ငါသွားဖို့ မဟုတ်ပါဘူးတဲ့ကွယ်

ငါ မသိ . . .
ငါ မရှိ . . .
ငါ မထိ . . .
ငါ မရိ . . .

နှုတ်ဆက်လိုက်ပါတယ် . . .
ကလေးမရယ် . . .

တိမ်ဆိုတာ .. မြူခိုးတွေနဲ့
ဖုံးထားတဲ့ အယောင်ဆောင်
ဝါဂွမ်းလှလှလေး တခုပေါ့

ဆောင်းငွေ့ငွေ့နဲ့ နှင်းတပွင့်ကို မြင်ရင်
နင့်ကို ငါလွမ်းမယ်။
နွေဦးမှာ ငှက်ကလေးအော်သံသဲ့သဲ့နဲ့
စကားပြောချိုတဲ့ ကောင်မလေးတယောက်ကို
ငါလွမ်းမယ်။
မိုးစက်တွေ ခုန်ပေါက်မြူးဆော့
ချစ်သော ရွာသူမလေးတယောက်ကို
ငါပြန်မြင်ယောင်ပါ့မယ်ကွယ်။

နိဗ္ဗာန်မှာ မီးတပြိုက်က
သုန်သုန်လင်းနေပြီ . . .
နတ်လောကဘုံကို ဦးတည်
မိုးမချုပ်မှီ . . .
မိုးတိတ်တေးတို့ သီ

ဟိုးက . . .
စောင်းသံ ယဲ့ယဲ့ကို ကြားရတယ်

လိုက်ပါသွားတော့မလား
ငေးနေခဲ့ရမလား
ရပ်နေခဲ့ရမှာလား
ငါမသိတော့ပါဘူးကွယ်

ငါ့မျက်နှာမူရာတည့်တည့်က
တနင်္ဂနွေတွေကို ရိတ်သိမ်း
ချစ်ရပါသော ရွာသူမရယ်
လွမ်းတယ်(လွမ်းတယ်ကွယ်)

အိပ်မက်ထဲက ထွက်ခွာသွားတဲ့
မြင်းခွာသံတွေကြားမှာ . . .
မျှော်လင့်ချက်ကသူ့ကိုယ်သူပုတ်
နိုးတဝက်ဖြစ်တဲ့ တေးတပုဒ်နဲ့ ငါ့ကို လှုပ်နှိုးတယ်

မလှောင်ပါနဲ့ကွယ် . . .
ကျိူးကျိူးနွံနွံ ငါ့မှာလည်း . . .
နွေးနွေးထွေးထွေး ပွေ့ဖက်ထားပေးမယ့်
ရင်ခွင်သေးသေးလေးတခုတော့ ရှိပါရဲ့

ကြိုးမိန့်ကို မကြောက်ဘူး
ဒါပေမယ့်လေ . . .
ငါ့ကို . . . ဒုန်းဆိုင်းပြီး
အဝေးကို ပြေးထွက်သွားမယ့်
ခြေသံတွေကိုတော့ကြောက်တယ်

စကားတခွန်းက ချွန်းသွားတွေလို
သွေးတမြမြ . . . ငါ့ နှလုံးသွေးကို
ဖောက်ဖောက် မသောက်ပါနဲ့
ကလေးမရယ်

ရထားဟာ ဘူတာကို စွန့်ခွာထွက်ပြေး
ငါ … ဘူတာရုံလေးလို မဖြစ်ချင်ဘူး
ရမယ်ဆိုရင် ကလေးတယောက်လိုပြေးလိုက် . . .
မထားခဲ့ဖို့ ပြောရင်း ထွေးပိုက်ထားစေချင်တယ်

တိမ်မျှင်တွေ ကွေ့ကောက်
မိုးတွေလည်း အုံ့စိုင်း
တနင်္ဂနွေတိုင်း နင် အပိုင်သာယူပါတော့
ကလေးမရယ် . . .

မြူခိုးတဝေဝေ
အလွမ်းတို့ ကြွေကျ
နင်လျှောက်သော လမ်းတိုင်း
ငါ့ကို ခေါ်ပါ . . .

ပြီးတော့ . . .
တိမ်လူကလေးရဲ့ သက်တန့်စာမှာ
ပုရပိုဒ်တခုကို ထမ်း. . .
နင့်ကိုငါ လွမ်းမယ် . . .။

ကြိုးတချောင်းနဲ့ ပန်းသီည

အဲဒီညကပေါ့ . . .
ကောင်မလေးရယ်။

လဝန်းကိုလည်း မမြင်
နေကွယ်သွားခဲ့တာလည်း မမြင်
ဖိနပ်တွေ မိုးထားတဲ့
မြေပြင် နိမ့်နိမ့်လေးပဲ ငါတွေ့လိုက်တယ်

အသည်းနှလုံး တခုထဲ
တွယ်စိုက်နေတဲ့ မြှားတစ်စင်းကို
မနှုတ်ရက် မသွင်းရက်. . .
လွမ်းတယ်ဆိုတာ ဒါမျိုးလား
ကောင်မလေးရယ်. . .

ချစ်မိသူဆိုတာ အရှူံးကိုမှ
ငွေနဲ့ ဝယ်တဲ့ ရူးမိုက်သူရယ်ပါ
ထီးအရိပ်ခိုမှ လုံမယ်ဆိုရင်
ငါ မလိုက်ချင်ဘူး

ဖိနပ်မစီးချင်ဘူး
ထီးမဆောင်းချင်ဘူး
လမ်းမလျှောက်ချင်ဘူး
တယောက်ထဲ မနေချင်ဘူး

ငါ့ကို . . . ငါ့ကို
ကယ်လို့ရရင် ကယ်ပါလားကွယ်။

အဲဒီညမှာပါပဲ . . .
ကောင်မလေးရယ်။

ကြယ်တွေကလည်း ရှူးရှူးရှဲရှဲနဲ့ငါ့ကို
ဝင်တိုက် . . . ချစ်မိတဲ့
လူမိုက်တယောက်ဟာလည်း
မြူတွေသာ ပိုက်ထားရတယ်

ကောင်မလေးရယ်
ကောင်မလေးရယ်
ငါဟာ တိမ်လိုလူပါ . . .
ကိုယ့်ကိုယ်ကို တိမ်လိုငွေ့ရည်ဖွဲ့တတ်မှန်းမသိတဲ့
တိမ်လိုလူမျိုးပါ

မီးတောက်တခုလို ကူးမြောက်ပျံသန်း
လွမ်းတာကို လွမ်းတယ်လို့ပဲ
ပြောတတ်တဲ့ လူတယောက်ကို
အရူးရယ်လို့ ခေါ်လို့သာ နေပါတော့
ကောင်မလေးရယ်

ပန်းညတခုမှာ . . .
လကို ဆွတ်ချင်သော လူမိုက်ဟာ
ကိုယ့်အလွမ်းကိုယ်ပိုက်
မိုးတပြိုက်နဲ့ အုံအုံမှိုင်းနေခဲ့တယ်

ကောင်မလေးရေ . . .
ရွာလက်စ မိုးတွေ အတင်းတိတ်
အသံတွေ ပိတ်တာတောင်
နံရံတွေက စို့စို့လာတယ်

ကျိူးမှန်း သိလို့ မထမိတဲ့
အကန်းတယောက်ကို
ရာဇသံတွေနဲ့ ယိုင်ချိအောင်
ငါ့ကို ပတ်ပျိုးတီးမလားကွယ်

တိတ်တိတ်ဆိတ်ဆိတ်လေး
ပန်းပွင့်ဖြူဖြူကို
ကြိုးဖြူဖြူမှာ သီချိတ်
ခံတပ်တခုလုံး အသံတွေ တိတ်နေခဲ့ပါတယ်

အဲဒီလိုနဲ့ ကဗျာတပုဒ်အဆုံးသတ်မှာ
ပန်းတွေ သီချိတ်လိုပြီးသွားခဲ့ရင်တောင်
ပန်းတွေ (ဘယ်တော့မှ)
သီလို့ ပြီးမှာ မဟုတ်တော့ပါဘူး
ကောင်မလေးရယ်. . .။

**ဤကဗျာထဲမှ တကြောင်းတပိုဒ်အား ကိုဇာတိ ကျေးဇူးပြုပါသည်။** (သောတ)

ကျွန်တော်နဲ့ဝါသနာ

ဝါသနာ . . .

ဝါသနာဆိုတဲ့ နာမည်နဲ့ မနှင်းဆီနက်က ကျွန်တော့်ကို တဂ်လာတော့ ကျွန်တော်လည်း မရေးတတ် ရေးတတ်နဲ့ ရေးရပါတော့တယ်။ ကျွန်တော်က ကဗျာလောက်သာ အရေးသန်ပြီး ကျန်တဲ့အပိုင်းတွေ ရေးလေ့ ရေးထ မရှိသေးလို့ပါ။ တစ်ခါမှလည်း တဂ်မခံရဖူးတော့ ရေးရတာလည်း နည်းနည်းလက်ပေါက်ကပ်သဗျ။ ကဲ … အမရေ … ရေးပြီးနော် …။ ကျေနပ်တယ်မဟုတ်လား . . .။
ဝါသနာဆိုတာက ဟိုးကလေးဘဝထဲက သူ့ပင်ကိုယ် စိတ်ကလေးနဲ့ ဖြစ်တည်နေတတ်တဲ့ အရာမျိုးပါ။ ကလေးဆိုပြီး ဝါသနာတွေ ဘာတွေ သိဦးမှာ မဟုတ်သေးဘူးဆိုပြီးတော့ မထင်လိုက်ကြပါနဲ့။ အခုလို IT ခေတ်မှာ လူဖြစ်လာတဲ့ ကလေးတွေဆို သူတို့ ဖွံဖြိုးမှုက ဟိုး လွန်ခဲ့တဲ့ နှစ်တွေထပ် ဆယ်ဆမက သာလွန်နေပါပြီ။ အဲဒီမှာ ဝါသနာဆိုတာ အသက်အရွယ်ပေါ်လိုက်ပြီး ပြောင်းလဲ နေတတ်ပါတယ်။ ပြီးတော့ ဘဝအတွက် ရည်းမှန်းထားတဲ့ ရည်ရွယ်ချက်တွေကလည်း ဝါသနာနဲ့ ဆက်စပ်မှုရှိပါတယ်။ ကျွန်တော် ငယ်ငယ်တုန်းက (ကလေးဆိုတော့) ဘာဝါသနာပါလဲ လာမေးရင် မဖြေတတ်ဘူးပေါ့။ ဒါပေမယ့် ကျွန်တော် စွန့်စားရတဲ့ အလုပ်မျိုးဆိုကြိုက်တယ်။ ပြီးတော့ ကျောင်းတတ်ပြီဆိုရင် သူများတွေ ဆော့နေတဲ့ အချိန်မှာ ကျွန်တော်က ငြိမ်ငြိမ်လေး ထိုင်ပြီး (ပန်းချီဆွဲတာမျိုး၊ အိမ်စာတခုခုလုပ်နေတာမျိုး) လုပ်နေရတာကို ဝါသနာပါတယ်။ ပြီးတော့ လူဆိုတာ သိလာတဲ့ အရွယ်ကျတော့ တစ်မျိုးတစ်ဖုံ ပြောင်းသွားပြန်ရော ။ ဒါက စိတ်ထွေတာလည်း မဟုတ်လောက်ပါဘူး။ သိတဲ့ အသိနဲ့ ဦးနှောက်က လှုံဆော်တာကို စိတ်က လိုက်လုပ်တဲ့ အရာမျိုးပါ။ အပေါင်းအသင်းကလည်း စုံအောင်ပေါင်းဖူးလာတော့ အရာရာက ပြောင်းလဲ လာတယ်။ ကျွန်တော် ၁၅ ၁၆ နှစ်လောက်မှာတော့ ဘောလုံးကစားရတာကို အတော်ဝါသနာပါ ပါတယ်။ ဘောလုံးပွဲတွေ ကြည့်တယ်။ ဂျာနယ်တွေ ဖတ်တယ်။ သူငယ်ချင်းတွေနဲ့ ကျောင်းပြန်ရင် ဘောလုံးကန်တယ်။ အဲဒီအချိန်တုန်းကဆို ဘောလုံးသမားတွေအကြောင်းတော်တော်သိတာပေါ့။ လူကြီးတွေကတောင် ပြောသေးတယ်။ ဒီကောင်လေးကို အကုန်မေး … သိတယ်ဆိုပဲ။ ကျွန်တော် အကြိုက်ဆုံး ဘောလုံးသမားက ဒေးဗစ်ဘက်ခမ်းပေါ့။ ဘောလုံးကစားရတာကို ဘယ်လောက်အထိ ရူးသွပ်မိလဲဆို ကျွန်တော့် ခြေထောက်တွေ ပေါက်ပြဲလို့ ဆေးခန်းခဏခဏသွားတဲ့ အထိ ဝါသနာထုံပါတယ်။ ၁၇ ၁၈ လောက်ကျတော့ နည်းနည်း ငြိမ်သွားပြန်ပါတယ်။ အဲဒီအချိန်မှာတော့ ဂစ်တာလေးဘာလေး တီးချင်လာပြီလေ။ အဲဒါနဲ့ ကျွန်တော့် အစ်ကိုတစ်ဝမ်းကွဲဆီမှာ ဂစ်တာတီးသင်ပါတယ်။ သူကလည်း ဂစ်တာသမားဆိုတော့ အဆင်ပြေပါတယ်။ အဆင်မပြေတာက ကျွန်တော်က ဂစ်တာမဝယ်နိုင်လို့ အစ်ကို့ဆီကနေ အိမ်ကို မနိုင့်တနိုင်သယ်ပြီး လေ့ကျင့်ရပါတယ်။ အဖေကလည်း ဂစ်တာတီးတာ သိပ်မကြိုက်ဘူးလေ။ ၁၇ နှစ်လောက်ဆိုတော့ လူကောင်က ဘယ်လောက်ရှိဦးမှာလဲ။ အဲလိုမျိုး ထမင်းမေ့ ဟင်းမေ့ လေ့ကျင့်ခဲ့ဖူးပါတယ်။ ကျွန်တော် အခုအချိန်မှာ ဖြစ်ခွင့်ရမယ်ဆိုရင် Steve Vai ၊ Synyster Gates တို့လို ဂစ်တာ ဟီးရိုးတွေ မဖြစ်နိုင်ပေမယ့် ကျွမ်းကျင် ပိုင်နိုင်တဲ့ Guitarist တယောက်တော့ ဖြစ်ချင်ပါသေးတယ်။ အခု လက်ရှိအရွယ်ကျတော့ ဝါသနာ တခုထပ်တိုးပြန်ပါပြီ။ ကဗျာရေးရတာပေါ့။ အရင်တုန်းကဆို အဲလိုမျိုး ယောင်လို့တောင် မတွေးမိပါဘူး။ ကျွန်တော် အားနေ ကာတွန်းစာအုပ်လောက်ပဲ ဖတ်နေတာ။ ဒါပေမယ့် အခွင့်သာလို့ ကဗျာတွေနဲ့ ရင်းနှီးခွင့်ရခဲ့တယ်။ ကဗျာဖတ်ရတော့ ကြိုက်ခဲ့ပါတယ်။ ဒါပေမယ့် အဲလိုမျိုးတွေ မရေးတတ်ခဲ့ပါဘူး။ အဲဒါကြောင့် ကဗျာတွေ ဖတ်ပြီး အတွေးတခုခုကို ထိထိမိမိတွေးလိုက်ရတာပဲ ဖြစ်ဖြစ် အားရကျေနပ်လာတယ်။ အဲဒါကြောင့် ကျွန်တော် ကဗျာရေးဖို့ ကြိုးစားခဲ့တာပါ။ အချိန်အခါတွေပဲ စကားပြောဦးမလားတော့ မသိပါဘူး။ ကဗျာရေးရတဲ့ အလုပ်ကိုတော့ ကျွန်တော် ကျေနပ်ပါတယ်။ ဘယ်တော့မှ မရေးဖြစ်တော့ဘူးဆိုရင်တောင် ကျွန်တော် ကဗျာတွေကို ဖတ်မှတ်နေဦးမှာပါ။
ကဲ .. မနှင်းဆီနက်ရေ . . . ကျေနပ်ပါနော်။ ကျွန်တော်လည်း မရေးတတ် ရေးတတ်နဲ့ ရေးလိုက်ပြီ။ ကျေနပ်ပါနော် ။ အမ …..

“တနင်္ဂနွေမှာ ချစ်သူကို ပန်မပေးဖြစ်ခဲ့သော နှင်းဆီနီနီ”

၁၀း ၀၀ ( )

မည်သည့်အရာတခုကိုမှ ခြေမျက်စိက မငေးမိပါပဲ . . . ဖိနပ်က ချော်လဲသည်။ လမ်းမကိုငေး၊ ကိုယ့်လက်ကို ငုံမေး “ ဘယ်နှနာရီလဲ ” လို့ပေ့ါလေ။ မှတ်တိုင်လေးမှာ လာရပ်စောင့်ကြ၊ ပြီးတော့ ထွက်ခွာသွားကြ . . . ကျွန်တော်ကသာ ဘယ်ဆီကို သွားရမည်လဲ။ စီးကရက်ငွေ့တွေ နှလုံးသားအတွင်း တိုးခက်ရွေ့သွားကြပြီ။ ထိုသို့ဖြင့် ကော်ဖီဆိုင်က ရောင်စုံထီးများသည်လည်း နေရောင်သွန်းသွန်းကို သူ၏ ခေါင်းပေါ်သို့ ထပ်ရွက်ထားနိုင်ခြင်း မရှိတော့ပါ။ ချက်ချင်းဆိုသလိုပင် မိုးတွေ နက်မှောင် လာပြန်သည်။ လက်နောက်ပစ်ထားသော နှင်းဆီပန်းတစည်းနှင့် အုံ့အုံ့မှိုင်းနေသော လူတယောက်အတွက် မိုးစက်တွေက ဘယ်လို သွန်းဆစ်မည်လဲ။ မကြာခင်မှာတော့ . . . အပြိုက်အပြိုက် မိုးတို့ ခုန်ဆင်းလာမည် ထင်သည်။

“မေ့ကို နှင်းဆီအနီရောင် ပန်မပေးပါနဲ့ . . . ကိုကိုရယ်”

ကျွန်တော့် ချစ်သူကပြောသည်။ ကျွန်တော်က ဥယျာဉ်းမှူးမဟုတ် . . . ဒါပေမယ့် . . . ချစ်သူကိုတော့ ပန်းတပွင့်ကို ပျိုးသော ဥယျာဉ်မှူးက ထိုပန်းပင်လေးကို ချစ်သလိုမျိုး ချစ်သည်။ သူမြတ်နိုးသလိုမျိုး မြတ်နိုးသည်။ နှင်းဆီလို သိုဝှက်မှုတွေဖြင့် ပဟေဠိ ဆန်သော ပန်းပွင့်အား ချစ်သူ ဆံမျှင်မှာ ဖူးပွင့်စေချင်သည်။ ရာသက်ပန် ဟူသော သဘောဆောင်ကာ တမြတ်တနိုး ပန်ဆင်ပေးလိုပါသည်။ သူမ မပန်လိုက . . .

ငှက်တွေက ဘာကြောင့် ပျံသန်းရတာလဲ ဟုစဉ်းစားမိသည်။ သူတို့မှာ လက်ချောင်း ဖြောင့်ဖြောင့်ကြီးတွေ ရှိလို့နေမှာပေါ့ လို့ ကျွန်တော်က ပြန်ဖြေချင်းဖြစ်သည်။ ထိုအဖြေကို ကျွန်တော်နှင့် ကျွန်တော် ငြင်းခုန်နေကြခြင်းဖြစ်သည်။

ငါ့ကို လာလာမနှိုးပါနဲ့. . .
ကြာသပတေး ကြယ်လေးရယ်. . .
ငါက . . . . ငါက
တချက်တချက်မှ ထ…ထ လင်းတတ်တဲ့
ပိုးစုန်းကြူးလို. . . အလင်းမှုန်ဖွဲ့ပြီး မပျံနိုင်တဲ့
ငှက်မျိုးပါ. . . .။


ချစ်သူဆီမှ တန်ဖိုးကြီးသော ပြင်သစ်ရေမွှေးရနံ့က ကျွန်တော့်ဝင်သက်ဆီမှ သင်းသင်းကလေး ဖြတ်သန်းသွားသည်။ အမြဲတမ်း ငေးမောနေမိသော်လည်း ယခုအချိန်ထိ အလွတ်မရသည်မှာ စက်ဝိုင်းဆန်သော သူမ၏ ပါးလေးနှစ်ဖက်ဖြစ်၏။ ချစ်သူကိုပဲ မြင်၍ ညနေကို မမြင်ရတော့ပါ။ သစ်ရွက်စိုစိုတို့ကလည်း ချစ်သူ၏ ရွှေအိုရောင် သမ်းသော ဆံမျှင်တို့နှင့် အပြိုင်အဆိုင် ရွှန်းရွှန်းစိုနေသည်။ ဖွဖွလျလျ ရှက်တိုက်သွားသော လေပြေငွေ့ငွေ့က ထိုဆံနွယ်တို့၏ မွှေးရနံ့ကိုလည်း ဆောင်ကျဉ်း၏။ လည်တိုင် ဖွေးဖွေးက ရွာပြီးကာစ မိုးလို၊ ပွင့်ချပ်ကလေးတွေပေါ်၌ ကပ်တင်ကျန်နေရစ်သော ရေစက်၊ ရေလုံးလေးများ သဖွယ် ချစ်စရာကောင်းနေတော့သည်။

“မေ”

“ရှင်”

“ . . . . . . . . . . . . . . . . . ”

“ကိုကို” . . .

“ ဟင် . . . ပြောလေ . . . မေ ”

“ မိုးကုတ်စက်ဝိုင်းရဲ့ ဟိုဘက်တခြမ်းမှာ ဘာတွေရှိသလဲ သိလား. . . ကိုကို . . . ”

“ အဲ . . . ကိုကိုတို့လိုပဲ လူသားတွေ ရှိမှာပေါ့ . . . ”

“ မဟုတ်ဘူး . . . ကိုကို” “ တကယ်တော့ ဟိုဘက်တခြမ်းမှာ ဒီဘက်စက်ဝိုင်းလို တခြမ်းပဲရှိနေမှာ. . . ”

“ အဲ . . . ”

“ ပြီးတော့လေ. . . မေ . . . သက်တန့်ကို စီးပြီး ဟိုဘက် ဒီဘက်ကူးကြည့်ချင်တယ်”

“မေ”

“ အင်းနော် . . . သက်တန့်ဆိုတာ မြင်ပဲ မြင်ရတာ . . . ထိတွေ့ ကိုင်တွယ်လို့မှ မရတာပဲနော် . . . ကိုကို”

“ မေ . . . ရယ်”

“ ဒါနဲ့ . . . ကိုကို . . . မေ့ကို နှင်းဆီပန်း မပန်ပေးနဲ့လို့ ပြောတာ ဘာဖြစ်လို့လဲ သိလား . . . ”

“ ဟင့်အင်း”

“ သြော် ... ဒီလိုလေ ပန်းပေးရင် အလှမ်းဝေးတယ်တဲ့ ကိုကိုရ … ဟိဟိ … တကယ်တော့ အဲလိုမဟုတ်ပါဘူး ကိုကိုရာ … ပန်းအနီက စီးလို့ပါ … ပန်းနီနီ မြင်ရင်လေ မေ့စိတ်ထဲ ဘယ်လိုဖြစ်မှန်း မသိဘူး ကိုကိုရယ်”

“ နှင်းဆီဆိုတာ. . . ”

“ သိတယ် . . . ကိုကို … မေ ပြန်ချင်ပြီ … နောက်တပါတ်ကျရင် ကိုကို ယူချင်ယူလာခဲ့လေ. . . ခုတော့ ပြန်ကြစို့ကွာ … နော် …”



ရေပြင်က ပြာသည် . . . ။ ကောင်းကင်က အုံမှိုင်းသည်။ တနင်္ဂနွေကတော့ မကူးခဲ့သေးပါ။ လေရိုင်းရိုင်းတို့ အဝေ့ အဝဲမှာ နှင်းဆီတွေ အပြိုင်းပြိုင်း လွင့်-ကျဲ-ဖွာ-ကျ. . . ။
ထိုရေမွှေးရနံ့မျိုး သူ. . . ရဖူးသည်။ ထိုအသံမျိုး သူကြားဖူးသည်။ မိုးတွေ အုံ့သည်းရွာကျလာသည်။ တကိုယ်လုံး တင်းကျပ်စွာ ပွေ့ဖက်သလို ခံစားရ၏။ ထိုမိုးကို ကျွန်တော် မမြင် . . . ထိုလေကို ကျွန်တော် မမြင်… ထိုရနံ့ကို ကျွန်တော် မမြင်. . . တနင်္ဂနွေကို မမြင်. . . ချစ်သူကို မမြင် . . . ကျွန်တော့်ကိုယ် ကျွန်တော် မမြင်. . .

ကျွန်တော် …… ချစ်သော “. . . . . ”
ချစ်သော “. . . . . ”
ချစ်သော “. . . . . ”

“ကျွန်တော် တနင်္ဂနွေမှာ ချစ်သူကို မပန်ပေးဖြစ်ခဲ့သော နှင်းဆီနီနီ . . . .
ချစ်သူကို မပန်ပေးဖြစ်ခဲ့သော နှင်းဆီနီနီ ကျွန်တော် တနင်္ဂနွေမှာ . . . . .
တနင်္ဂနွေမှာ ချစ်သူကို မပန်ပေးဖြစ်ခဲ့သော နှင်းဆီနီနီ ကျွန်တော် . . . . . ”


အဲဒီနေ့က မိုးတွေ ရွာလိုက်တာမှ. . . . . . . . . . . . . .


မိုးတွေကို တိုးတိုးကလေး ရွာရဦးမှာပေါ့လေ
ပန်းရနံ့တွေကလည်း ခပ်မြင့်မြင့်ကနေ ပျံသန်း
ငါနဲ့ ငါ့ဖိနပ်ကလေး
သီချင်းမဆိုတော့ဘဲ ဟိုးအဝေးကို ငေးခဲ့ရတယ်။
(တာရာမင်းဝေ)