ကောင်းကင်နက္ခတ်နဲ့ပွင့်တဲ့ ပန်း

            ကျောင်းခေါင်းလောင်းသံ လွင်လွင်ကလေးဟာ ကြားဖူးနေခဲ့ရတဲ့ နေ့တွေလို ပျင်းငွေ့ဖွယ်ရာနေ့လေးတစ်နေ့ပါပဲ။ နေကြတ်တဲ့ နေ့မဟုတ်သလို အဓိပတိလမ်းတစ်လျှောက် ခရေဦးတို့ လွင့်ပျံမွှေးသန့်ကြဆဲ…။ ဒါပေမယ့် အဲဒီနေ့မှာပဲ  မြှားအစင်းစင်းခြံရံပြီး ရနံ့ချိုတဲ့ နှင်းဆီဖြူလေးတစ်ပွင့် ကိုယ့်ရင်ထဲကို ရှောင်လို့မလွှတ်အောင် တဒုတ်ဒုတ်လာစိုက်ခဲ့တော့တယ်။

   လှိုင်းလုံးကြီး တစ်လုံးလို ကျောက်ဆောင်တွေကို ပစ်တိုက်ဝင်ဆောင့်၊ တိမ်ညိုတွေ တစ်လိပ်ပြီး တစ်လိပ် ပြိုကျ၊ နဂါးတစ်ကောင်က သူ့ပါးစပ်ကြီး ဖြဲပြီး ကိုယ့်အနားကို ရောက်လာသလို၊ မြေကြီးတွေ အက်ကွဲ၊ ရင်မှာ လျှပ်စီးကြောင်းတွေ တလက်လက်၊ ပန်းပွင့်တို့ ညွှတ်ကိုင်း၊ လေအတိမ်းမှာ နွဲ့ယိမ်းနေတဲ့ သစ်ရွက်ကလေးတွေလို “သူ” ကိုယ့်မျက်လုံးထဲမှာ မှုန်နေအောင် လှပါရဲ့။

      “နှင်းဆီဖြူ”

      . . . . .

      . . . . .

     အဲဒီလိုနဲ့ ဟော့ဒီလူရဲ့ အလံဖြူကို ယူပါ နှင်းဆီဖြူ. . .။

                                    ×                                  ×                                  ×

               လူတွေထဲက လူတစ်ယောက်ဖြစ်ခဲ့ပါရက် တစ်ခြားသူတွေလို မပျော်နိုင်တဲ့ ရိုစီ အကြောင်းတွေ ကြားရင် စိတ်မကောင်းဖြစ်ခဲ့ရတယ်။ အဖေ့ရဲ့ လူနာမလေးတစ်ယောက်ဖြစ်တဲ့ (Leukemia) လူကီးမီးယား သွေးကင်ဆာ ဝေဒနာသည်လေးပါ။ သူ့ကို သိပ်သနားတယ်။ အဖေပြောပြလေ့ရှိတဲ့ သူ့ရဲ့အကြောင်းတွေထဲမှာတော့ သူဟာ ငယ်ငယ်ရွယ်ရွယ်နဲ့ လောကဓံဓါးသွားရဲ့အောက်မှာ သူ့ဘဝကို လည်စင်းပေးထားရတာပါပဲ။ သူ့အဖြစ်က ချိန်ကိုက်ဗုံးတစ်လုံးကို လက်ထဲမှာ ပွေ့ပိုက်ထားရင်းနဲ့ ပေါက်ကွဲချိန်ကိုစောင့်မျှော်နေရတာနဲ့တူတယ်။ သက်ပြင်းရှည်လျားစွာနဲ့ သူ့အကြောင်းစဉ်းစားမိတဲ့ အချိန်မှာ စကားလုံးတစ်ချို့ လရောင်တွေနဲ့အတူ လွှတ်တင်ဖြစ်ခဲ့တယ်။ ကံကောင်းပါစေ ရိုစီ … ကံကောင်းပါစေ။

                                    ×                                  ×                                  ×

            တစ်နေ့ထပ်တစ်နေ့ ကျယ်လောင်တုန်ဟီးလာတဲ့ နှလုံးခုန်သံတွေ ဘယ်လိုများ ရပ်တန့်ပစ်ရမှာပါလဲ။ ကိုယ့်ရဲ့ လူငယ်သီချင်း နှင်းဆီဖြူ ကြားနိုင်အောင် ဘယ်လို တေးသွားတွေနဲ့ ငြီးဆိုပြရမှာလဲ။ သိပ်ချစ်တယ် နှင်းဆီဖြူရယ်။ အဲဒီသဝဏ်လွှာလေးကို နှင်းဆီဖြူဆီရောက်အောင် ထပ်ခါထပ်ခါ ပို့ဆောင်ချင်တယ်။ ရနိုင်မယ်ဆိုရင် ကိုယ့်ဥယျာဉ်တစ်ခုလုံးမှာ အဖြူရောင်နှင်းဆီဖြူတွေနဲ့ပဲ ချိုလွင်မှုန်ရီနေခွင့်ပေးပါ နှင်းဆီဖြူ။ သစ်ပင်တွေရှိတဲ့ အရပ်မှာ ကျေးငှက်ကလေးတွေ ရှိနေတတ်သလိုမျိုး နှင်းဆီဖြူရဲ့ အနီးတစ်ဝိုက်မှာ ချစ်မြတ်စွာ ရှိနေခွင့်ပေးပါလား နှင်းဆီဖြူရယ်။

                                    ×                                  ×                                  ×

               မတွေ့၊ မသိ၊ မမြင်ဖူးခဲ့ပေမယ့် ရိုစီရဲ့အခြေအနေကိုတော့ အမြဲနားစွင့်နေမိတယ်။ ရိုစီဆိုတဲ့ လူမီးတောက်ကလေးဟာ  မီးစာကုန်ခမ်းစွာ လောင်ကျွမ်းရင်း တငွေ့ငွေ့ငြိမ်းသွားရတော့မယ် ထင်ပါရဲ့။ ကြယ်ခိုး ကြယ်ငွေ့တွေ ယိမ်းပြိုနေကြတဲ့ ညလမ်းကလေးမှာ ရိုစီတစ်ယောက် အလင်းဆုံး ကြယ်အဖြစ် ဖြူလင်းတောက်လက်နိုင်ပါစေ။ ကိုယ် ဆုတောင်းမြဲ ဆုတောင်းပေးနေမယ်။

                                    ×                                  ×                                  ×

            အချစ်ဆိုတာ ပူပင်မှုတွေအားလုံးရဲ့ ငြိမ်းချမ်းရေး နယ်နိမိတ်တစ်ခုဖြစ်မယ်ထင်တယ်နော်။ ကိုယ်ဟာ ရီပို့ကတ်ဒ်ကြည့်ပြီး စိုးရိမ်စိတ်ပျောက်သွားတဲ့ ကလေးတစ်ယောက်ရဲ့ ပျော်ရွှင်မှုလို ဆောက်တည်ရာမဲ့။ ဒီနေ့လေးဟာ ကိုယ်နဲ့နှင်းဆီဖြူတို့ရဲ့ ပထမဆုံး ဝတ်မှုန်မှတ်တိုင်ဖြစ်ခဲ့တယ်။ ဂါထာတစ်ပုဒ်အဆုံးမှာ ဥယျာဉ်ရဲ့ “အ” နေတဲ့ ပန်းငုံကလေးတွေလည်း ဖူးလာ ပွင့်လာခဲ့ပါပြီ နှင်းဆီဖြူ။

            ကိုယ်တို့ဟာချစ်ရတစ်ရက် လွမ်းရတဲ့ နေ့ပေါင်းညပေါင်းများစွာ တစ်ယောက်ကတစ်ယောက်ကို မှောင်ရီဝိုးဝါးစွာတမ်းတခဲ့ကြ၊ ဒီလိုနဲ့စွယ်တော်တစ်ဖက်ခြမ်းဟာ တဖြည်းဖြည်း ညိုမှောင်နွမ်းပါးလာခဲ့ပါတယ် နှင်းဆီဖြူ။

နေရောင်ခြည်တွေ ရိုင်းတတ်လာတဲ့အခါ ဥယျာဉ်ပျက်ကလေးထဲမှာ ကိုယ်တစ်ယောက်ထဲပဲ နှင်းဆီဖြူ။ ဘယ်သူမှရယ်လို့လည်း မရှိဘူး။ ကောင်းကင်တစ်ရိုးက အက်ဆစ်အခိုးတွေ၊ နှလုံးသားအပေါ်ယှက်ပျံနေတဲ့ မီးငှက်တွေ၊ နှင်းဆီရနံ့တွေ၊ ဗေဒါလေးတွေဟာလည်း မြူးလို့၊ မျောလို့ ရိုင်းချင်သလိုရိုင်းနေလိုက်တာကွယ်။ တဖြည်းဖြည်းနဲ့ ညနေက ညရဲ့သင်္ဂြိုလ်ခြင်းကို သူလိုကိုယ်လိုခံစားခဲ့ရ။ ညတစ်ညမှာတော့ နှင်းဆီဖြူရဲ့အိမ်ဆိုတာကို ရောက်လာခဲ့မိပါတယ်။ ပတ်ဝန်းကျင်ဟာ တိတ်ဆိတ် လူမနေတဲ့အိမ်အိုကြီးကလည်း အက်ကွဲစွာ ကိုယ့်ကို လက်ပြရင်း နှုတ်တိတ်နေလိုက်တာ။ ကိုယ် .. .. .. .. .. .. .. .. .. .. ..

                                    ×                                  ×                                  ×

            ကြယ်လေးကြွေသွားတဲ့ အဆုံးမှာ ရိုစီတစ်ယောက်လည်း လောကမြေကို ကျောခိုင်းရင်း ကောင်းကင်ဘုံဆီ ခြေလှမ်းကျဲကျဲနဲ့လှမ်းတက်သွားပါပြီ။ လင်းကနဲတစ်ချက်ပါပဲ။ အဲဒီနောက်မှာတော့ သူငြိမ်းချမ်းသွားပြီလို့ ကိုယ်ထင်တယ်။ ငြိမ်းချမ်းပါစေ ရိုစီရေ။

            အလင်းနတ်သမီးတစ်ယောက်ရဲ့ ကနွဲ့ကလျ ခေါ်သံတွေကြားမှာ နွယ်စိမ်းခက်တွေနဲ့ ပန်းခရမ်းတွေလည်း မူးလောက်အောင် စိမ်းလန်းနေကြတယ်။ ကိုယ်ဟာ နောက်ကပြေးလိုက်ရင်း၊ ပြေးလိုက်ဖို့ကြိုးစားနေရင်း၊ ရပ်ကျန်နေခဲ့ရင်း ညဆီမှ အိပ်မက်အဖြစ်တစ်ဖန်ပြန်နိုးထခဲ့ရတယ်။ ကိုယ်အိပ်မက်တွေ မကောင်းဘူး နှင်းဆီဖြူရယ်။

                                    ×                                  ×                                  ×

             ဝုန်းကနဲ .. ဝုန်းကနဲ လှိုင်းလုံးကြီးတွေ ကိုယ့်ရင်ထဲကို ပြေးလွှားရိုက်ခတ်သွားကြတယ်။ ကံကြမ္မာဝတ်ရုံအနက်ရောင်တွေလည်း ကိုယ့်အပေါ်ကို အုံသိုင်းခြုံလွှမ်းသွားခဲ့ပေါ့။ ပွင့်ချပ်အကြွေတွေ၊ စိမ်းမြနေတဲ့ ပန်းအကြွေတွေ၊ နှင်းဆီဖြူတွေနဲ့အတူ ချစ်သူဟာ ခေါင်းတလားထဲမှာ တည်ငြိမ်စွာ အိပ်စက်နေတယ်။ ဒီဈာပနမှာ ကိုယ့်ရဲ့ဝိညာဉ်ဟာလည်း ချစ်သူနဲ့အတူလိုက်ခဲ့ပါလိမ့်မယ်။ လောကရဲ့ ဓါးသွားချက်တွေဟာ နှင်းဆီဖြူတစ်ပွင့်ကို အပိုင်းပိုင်းအထစ်ထစ် ခုတ်ဖြတ်ပစ်ခဲ့။

နှင်းဆီဖြူ .. ရိုစီ

ရိုစီ .. နှင်းဆီဖြူ

..

ချစ်သူ

                                    ×                                  ×                                  ×

            ကိုယ်ခေါ်နေသံကို ကြားမိလား နှင်းဆီဖြူ။ အခန်းထဲမှာ လိပ်ပြာတစ်ကောင်ပျံဝဲနေတယ်။ ပြီးတော့ ဓါတ်ပုံလေး..၊ အဲဒီဓါတ်ပုံလေးဟာလည်း ကိုယ့်ကို မေးထောက်ပြီး ကြည့်မြဲကြည့်နေတယ်။ ဘယ်ကဆိုက်ကျလာမှန်းမသိတဲ့ ရှတတအလင်းရောင်နဲ့ ကိုယ်ဟာ လွမ်းတေး တစ်ပိုဒ်ကို ခပ်မှိုင်းမှိုင်းငြီးဆို ပြီးတော့ ငို…။ စာတစ်အုပ်ထဲမှာ ဝိုင်းစက်ဝန်းဝိုက်နေတဲ့ “ မောင်” ဆိုတဲ့ စာလုံးလေးတစ်လုံးကို ကိုယ်ကြည့်ရင်း ခြောက်အက်စွာ ရယ်မိတယ်။ ကိုယ်မရူးပါဘူး နှင်းဆီဖြူရယ်။ ကိုယ်မရူးဘူး လူတွေကသာ ရူးနေကြတာပါ။ ကိုယ်က ဥယျာဉ်မှူးတစ်ယောက်ဖြစ်တာကို ခဏတာ မေ့မျောသွားမိတယ်။ ပန်းကျောင်းသားလေးတစ်ယောက်ရဲ့ တာဝန်ဝတ္တရားဟာ ပန်းပွင့်လေးတွေအဆင်အမြဲသစ်လွင်လန်းဆန်းဖို့ပါပဲ။ ကဝေအလင်းတွေ မှုန်ဝါးတဲ့ ပန်းညတွေ ကိုယ့်နှုတ်ဖျားမှာ ပြာနေအောင် ရွတ်ဆိုမိတာ ချစ်သူရဲ့ နာမကိုပဲ။ ဝင်္ကပါတစ်ခုလို လမ်းတွေဟာ မက်ဆောက်ရင်း ကိုယ့်ဟာ ချစ်သူရဲ့အနီးကို ရောက်သွားလိုက် .. ချစ်သူနဲ့ ဝေးသွားလိုက်။ ဒီလိုနဲ့ မြှားအစင်းစင်းခြံရံလာတဲ့ နှင်းဆီဖြူတစ်ပွင့်၊ မြှားအစင်းစင်းကို ကိုယ့်ရင်ဘတ်မှာ ထားခဲ့ရင်း မိုးသားတွေထဲ ပြာလွင့်သွားရှာပြီ။ ကိုယ် လေပွေရိုင်းတွေကြားမှာ လောကရဲ့မိုင်းကွက်တွေကိုလည်း နင်းခဲ့မိပါပြီ။

  အို ချစ်သူ .. ဆူးခြုံတွေရစ်ပတ် ဒီတံတိုင်းအထပ်ထပ်ကို ဖြတ်ပြီးရင် ကြယ်ပြလမ်းကွေ့မှာ တို့တွေ ပြန်တွေ့ကြမယ် ချစ်သူ။ ပြန်တွေ့ကြမယ် ချစ်သူရယ်။

. . . . . .

. . . . . . . . .

. . . . . . . . . . . .

. . . . . . . . . . . . . . .

. . . . . . . . . . . . . . . . . . .

ညကို လေးလေးနက်နက်မြင်မှ

ကိုယ်က ပိုပိုမှောင်မှန်းသိလာရ

စံပယ်ဘာသာနဲ့ရေးတဲ့ ပန်းကဗျာကို

ဘယ်သူဖတ်မလဲ. . .

ငြိမ်းချမ်းပါတော့ ချစ်သူ

ဗေဒါလမ်းမှာ

အဖြူရောင်ပန်းပွင့်တွေနဲ့

မွှေးသန့်လာမယ့်နေ့

အဲဒီကဗျာကို

နှစ်ကိုယ်စာကြားရုံလေး

ကိုယ်. . .

ရွတ်မယ်။

                                                                                                                      (သောတ)